Ihre Browserversion ist veraltet. Wir empfehlen, Ihren Browser auf die neueste Version zu aktualisieren.

Donnerstag 26.September 2019                    20 Uhr

Lesung mit Walter Baumgartner und Jochen Baldes

 

 

De Walter Baumgartner isch Jahrgang 1936. Uufgwachse n isch er hinder em Lindehügel, i d Schuel is Hofacker, tschuutet hät er uf em Müllerbödeli. Dänn Handeli und Schauschpielschuel, zäh Jahr Berlin. Und wider zrugg z Züri drissg Jahr Radio i de Hörschpielabteilig. Nach de Pangsionierig hät er aagfange schriibe.

Wo de Walter Baumgartner uf d Wält cho isch, häts i de Burgwies no es richtigs Tramdepo gha, do isch no der Einer uf Schliere n abe gfahre. I de Forchschtrass 166 häts no es Schuehgschäft gäh. zwüsched em Kapfschteig und em Hegibachplatz hät mer bi vier Becke chöne go Brot poschte. Und hät bi drü Metzger Wurscht und Fleisch übercho. Wäred em Chrieg häts allerdings nu so vill gäh, we mer Märggli gha hät, wel ales rationiert gsi isch.

 

 

De Jochen Baldes (Tenor- und Altsaxofon, Klarinette n und Querflöte) isch ei Generation jünger, im Walder uufgwachse, hät gmalet und pbildhaueret, bevor er aafange hät, als Profi Musig mache. Mit eigne Bands und grosse n Orcheschter hät er wiitume, z Europa, z Kuba und in Südafrika gschpillt, isch Musiklehrer imene Zürcher Gymi und komponiert ales für sini eigne Formatione.